2 Korin 6: 1-13
6:1 Songon hasoman pangkorja, ipalumba hanami ma nasiam, ase ulang soya panjalonasiam bani idop ni uhur ni Naibata, (bd. 1:24; 5:20.)6:2 ai nini do: Bani panorang idop ni uhur do ho hutangihon, anjaha bani panorang haluahon do ho huurupi. Tonggor ma, sonari ma panorang idop ni uhur, tonggor ma, sonari ma panorang haluahon. (Jes. 49:8; Luk. 4:9, 21.)
6:3 Seng mambahen partolsuan hanami atap bani aha pe, ase ulang hona risa jabatannami.
6:4 Ibagas haganup do ipatuduhkon hanami dirinami songon juak-juak ni Naibata: Ibagas hasabaron banggal, ibagas hamarsikon, ibagas hasunsahan, ibagas hasosakan, (bd. 11:23-27.)
6:5 ibagas na hona pukul, ibagas na tartutup, ibagas hageoron, ibagas halojaon, ibagas mangkar ni mata, ibagas parpuasaon, (bd. 11:23-27.)
6:6 ibagas hasusion, ibagas habotohon, ibagas lumbang ni uhur, ibagas habasaron, ibagas Tonduy Na pansing, ibagas holong ni uhur na so marsipakulah-kulah, (1 Tim. 4:12.)
6:7 ibagas hata hasintongan, ibagas hagogohon ni Naibata, ai ma marhitei sinjata hapintoran i siamun ampa i sambilou; (1 Kor. 2:4.)
6:8 marhitei na tarpuji ampa na hona parpahiri, marhitei hata-hata na masambor ampa hata na madear; songon halak na pakahouhon, hape parsintong do;
6:9 songon na so tinanda, hape na tinanda do; songon na laho matei, hape tonggor ma manggoluh do; songon halak na niarsik-arsik, hape seng tarbunuh;(bd. 4:10, 11; Ps. 118:18.)
6:10 songon na marhoru, hape tongtong do marmalas ni uhur; songon na miskin, hape buei do na ipabayak songon na so marnadong, hape haganup do adong bani.(Pil. 4:12, 13.)
6:11 Torang-torang do panluarnami bani nasiam, halak Korint, ungkab do uhurnami.
6:12 Seng sompit uhurnami mangidah nasiam, tapi uhurnasiam do na sompit.
6:13 Songon na bani anakku do hatangkon: Balos na dos hujai ma homa bahen nasiam: Palumbang nasiam ma homa uhurnasiam! (1 Kor. 4:14.)
-------------------------
2 Korintus 6: 1-13
6:1 Sebagai teman-teman sekerja, kami menasihatkan kamu, supaya kamu jangan membuat menjadi sia-sia kasih karunia Allah, yang telah kamu terima.6:2 Sebab Allah berfirman: "Pada waktu Aku berkenan, Aku akan mendengarkan engkau, dan pada hari Aku menyelamatkan, Aku akan menolong engkau." Sesungguhnya, waktu ini adalah waktu perkenanan itu; sesungguhnya, hari ini adalah hari penyelamatan itu.
6:3 Dalam hal apa pun kami tidak memberi sebab orang tersandung, supaya pelayanan kami jangan sampai dicela.
6:4 Sebaliknya, dalam segala hal kami menunjukkan, bahwa kami adalah pelayan Allah, yaitu: dalam menahan dengan penuh kesabaran dalam penderitaan, kesesakan dan kesukaran,
6:5 dalam menanggung dera, dalam penjara dan kerusuhan, dalam berjerih payah, dalam berjaga-jaga dan berpuasa;
6:6 dalam kemurnian hati, pengetahuan, kesabaran, dan kemurahan hati; dalam Roh Kudus dan kasih yang tidak munafik;
6:7 dalam pemberitaan kebenaran dan kekuasaan Allah; dengan menggunakan senjata-senjata keadilan untuk menyerang ataupun untuk membela
6:8 ketika dihormati dan ketika dihina; ketika diumpat atau ketika dipuji; ketika dianggap sebagai penipu, namun dipercayai,
6:9 sebagai orang yang tidak dikenal, namun terkenal; sebagai orang yang nyaris mati, dan sungguh kami hidup; sebagai orang yang dihajar, namun tidak mati;
6:10 sebagai orang berdukacita, namun senantiasa bersukacita; sebagai orang miskin, namun memperkaya banyak orang; sebagai orang tak bermilik, sekalipun kami memiliki segala sesuatu.
6:11 Hai orang Korintus! Kami telah berbicara terus terang kepada kamu, hati kami terbuka lebar-lebar bagi kamu.
6:12 Dan bagi kamu ada tempat yang luas dalam hati kami, tetapi bagi kami hanya tersedia tempat yang sempit di dalam hati kamu.
6:13 Maka sekarang, supaya timbal balik -- aku berkata seperti kepada anak-anakku --: Bukalah hati kamu selebar-lebarnya!
-----------------
No comments:
Post a Comment