Daniel 7: 9-14
7:9 Mangkawah ma ahu, gabe ipajongjong ma paratas, anjaha hundul ma hujai sada Na adong humbani sapari; pakeianni lopak do songon salju, anjaha jambulan bani uluni putih do songon ambulu ni biri-biri; paratasni apuy na marjimbur-jimbur, anjaha galapangni apuy na gajag. (Ps. 90:2; Hes. 1:16; Mat. 19:28; Pangk. 20:4.)
7:10 Luar do sada bah apuy, marharorohan hun lobeini. Marribu-ribu do na marugas i lobeini, anjaha marlaksa-laksa jongjong i lobeini. Ipungkah ma paruhuman anjaha ibuka ma sagala buku. (Ps. 68:18; Pangk. 4:5; 5:11; 20:12.)
7:11 Jadi mangkawah ma ahu halani hata pangenjengon na hinatahon ni tanduk ai. Anjaha huidah ma hona bunuh binatang ai, iboiskon bangkeini anjaha iondoskon ase itutungi bani apuy. (Pangk. 19:20.)
7:12 Ia binatang na legan ai, ibuat ma kuasani, anjaha ibuhul panorang ampa jam ni goluh ni sidea. (bd. 2:21.)
7:13 Huidah do bani pangungkabon borngin ai, tonggor ma, marhitei hombun ni langit roh do sada na songon anak ni jolma, das do Ia hubani Na adong humbani sapari, anjaha iboan do ia hu lobeini. (Hes. 1:26; Luk. 21:27; Mrk. 13:26; Lah. 1:11; Pangk. 1:13; 14:14.)
7:14 Ibere ma hubani kuasa, hasangapon ampa harajaon, ase Ia ma sibalosan ni sagala bangsa ampa halak siparsahap na marbagei-bagei in; sisadokah ni dokahni do kuasani, seng ra salpu ai, anjaha harajaonni, na so ra seda do ai. (bd. 2:44; Ps. 2:6; 110:2; Pil. 2:9.)
-------------------------
Daniel 7: 9-14
7:9 Sementara aku terus melihat, takhta-takhta diletakkan, lalu duduklah Yang Lanjut Usianya; pakaian-Nya putih seperti salju dan rambut-Nya bersih seperti bulu domba; kursi-Nya dari nyala api dengan roda-rodanya dari api yang berkobar-kobar;
7:10 suatu sungai api timbul dan mengalir dari hadapan-Nya; seribu kali beribu-ribu melayani Dia, dan selaksa kali berlaksa-laksa berdiri di hadapan-Nya. Lalu duduklah Majelis Pengadilan dan dibukalah Kitab-kitab.
7:11 Aku terus melihatnya, karena perkataan sombong yang diucapkan tanduk itu; aku terus melihatnya, sampai binatang itu dibunuh, tubuhnya dibinasakan dan diserahkan ke dalam api yang membakar.
7:12 Juga kekuasaan binatang-binatang yang lain dicabut, dan jangka hidup mereka ditentukan sampai pada waktu dan saatnya.
7:13 Aku terus melihat dalam penglihatan malam itu, tampak datang dengan awan-awan dari langit seorang seperti anak manusia; datanglah ia kepada Yang Lanjut Usianya itu, dan ia dibawa ke hadapan-Nya.
7:14 Lalu diberikan kepadanya kekuasaan dan kemuliaan dan kekuasaan sebagai raja, maka orang-orang dari segala bangsa, suku bangsa dan bahasa mengabdi kepadanya. Kekuasaannya ialah kekuasaan yang kekal, yang tidak akan lenyap, dan kerajaannya ialah kerajaan yang tidak akan musnah.
--------------------
No comments:
Post a Comment