1 Musa 3: 8-15
3:8 Dob ai ibogei sidea ma sora ni Naibata Jahowa, na mardalan-dalan i pohon ai bani parrohni logou malele bod. Jadi marponop ma si Adam pakon parinangonni ai humbani bohi ni Naibata Jahowa iholang-kolang ni hayu na i pohon ai.3:9 Pio-pio ma Naibata Jahowa bani si Adam, nini ma hubani: Ija do ho?
3:10 Nini mambalosi: Hubogei do soramu i pohon in; tapi mabiar do ahu, halani talanjang do ahu, ai do ase marponop ahu.
3:11 Nini ma: Ise patugahkon bam na talanjang ho? Ai dong ipangan ho buah ni hayu na hularang in panganonmu?
3:12 Nini si Adam ma: Naboru na bineremu ai gabe hasomanku, ia do na mambere buah ni hayu in bangku, gabe hupangan.
3:13 Nini Naibata Jahowa ma hubani naboru ai: Ai aha do na binahenmon? Nini naboru ai ma: Na ipaoto-oto ulog in do ahu, gabe hupangan.
3:14 Dob ai nini Naibata Jahowa ma bani ulog ai: Halani ibahen ho sonai, hona papa ma ho ilobei ni sagala pinahan pakon binatang harangan; marhitei boltokmu ma ho manjulur, anjaha orbuk ma panganonmu sadokah manggoluh ho.
3:15 Anjaha bahenonku ma partinggilanmu pakon naboru on, ginomparmu hubani ginomparni. Lisatkonon ni ginomparni ma ulumu, tapi pagutonmu do tambihulni.
---------------
Kejadian 3: 8-15
3:8 Ketika mereka mendengar bunyi langkah TUHAN Allah, yang berjalan-jalan dalam taman itu pada waktu hari sejuk, bersembunyilah manusia dan isterinya itu terhadap TUHAN Allah di antara pohon-pohonan dalam taman.3:9 Tetapi TUHAN Allah memanggil manusia itu dan berfirman kepadanya: "Di manakah engkau?"
3:10 Ia menjawab: "Ketika aku mendengar, bahwa Engkau ada dalam taman ini, aku menjadi takut, karena aku telanjang; sebab itu aku bersembunyi."
3:11 Firman-Nya: "Siapakah yang memberitahukan kepadamu, bahwa engkau telanjang? Apakah engkau makan dari buah pohon, yang Kularang engkau makan itu?"
3:12 Manusia itu menjawab: "Perempuan yang Kautempatkan di sisiku, dialah yang memberi dari buah pohon itu kepadaku, maka kumakan."
3:13 Kemudian berfirmanlah TUHAN Allah kepada perempuan itu: "Apakah yang telah kauperbuat ini?" Jawab perempuan itu: "Ular itu yang memperdayakan aku, maka kumakan."
3:14 Lalu berfirmanlah TUHAN Allah kepada ular itu: "Karena engkau berbuat demikian, terkutuklah engkau di antara segala ternak dan di antara segala binatang hutan; dengan perutmulah engkau akan menjalar dan debu tanahlah akan kaumakan seumur hidupmu.
3:15 Aku akan mengadakan permusuhan antara engkau dan perempuan ini, antara keturunanmu dan keturunannya; keturunannya akan meremukkan kepalamu, dan engkau akan meremukkan tumitnya."
------------------
No comments:
Post a Comment