2 Musa 2: 23 - 3: 10
2:23 Dob ai bani labang-labang ni ari matei ma raja ni Masir. Tapi morong-orong do halak Israel ibagas parjabolonan ni sidea ai anjaha mandoruhi, jadi das ma doruh-doruh ni sidea halani parjabolonan ai hulobei ni Naibata.
2:24 Itangar Naibata ma doruh-doruh ni sidea ai, anjaha idingat ma padanni na hubani si Abraham, si Isak pakon si Jakob. (1 Mus. 15:18; 26:3; 13 ps.)
2:25 Itatap Naibata ma halak Israel, anjaha ipatandahon Naibata ma dirini bani sidea.
3:1 Tapi si Musa do na marmahan biri-biri ni si Jetro, tulangni ai, malim ni halak Midian. Bani na sahali ialai ma biri-biri ai salpu halimisan ai, das ma ia hu dolog ni Naibata, hu Horeb.
3:2 Jadi taridah ma bani Malekat ni Jahowa, ibagas gajag ni apuy, hun tongah-tongah ni naporon. Dob ai itorih ma, ididah ma apuy gajag ibagas naporon ai, tapi seng mosog naporon ai. (5 Mus. 33:16.)
3:3 Nini si Musa ma: Laho ma ahu hujai mangidah halongangan bolon ai, mase ma tongon lang mosog naporon ai?
3:4 Tapi dob iidah Jahowa ia sihol roh mangidah, dilo-dilo ma Naibata hubani hun tongah-tongah ni naporon ai, nini ma: Musa, Musa! Nini ma. Ijon do ahu.
3:5 Dob ai nini ma: Ulang dohori hujon; tanggali ma sipatumin humbani naheimin, ai tanoh na pansing do hajongjonganmon. (Jos. 5:15; 1 Mus. 28:17.)
3:6 Nini ope. Ahu do Naibata ni bapamu, Naibata ni si Abraham, Naibata ni si Isak pakon Naibata ni si Jakob. Jadi irongkob si Musa ma bohini, halani biarni mangidah Naibata. (Mat. 22:32.)
3:7 Dob ai nini Jahowa ma: Domma tangkas huidah sahit ni panaronon ni bangsangku na i tanoh Masir, anjaha domma hutangar doruh-doruh ni sidea halani pambahen ni na mangarsik-arsik sidea; domma hubotoh sitaronon ni sidea. (bd. 2:23.)
3:8 Halani ai do ase tuad Ahu paluahkon sidea hun tangan ni halak Masir, anjaha paluarhon sidea hun tanoh on hu tanoh na madear anjaha na lumbang, hu tanoh habaoran ni dadih pakon manisan, hu tanoh ianan ni halak Kanaan, Het, Amori, Peresi, Hevi pakon Jebus.
3:9 On pe, tonggor ma, domma das doruh-doruh ni halak Israel hubangku, anjaha domma huidah homa pangarsikon ni halak Masir hubani sidea.
3:10 On pe, laho ma ho, husuruh ma ho marayak Parao, ase ipadarat ho bangsangku, halak Israel hun tanoh Masir.
---------------------
Keluaran 2: 23 - 3: 10
2:23 Lama sesudah itu matilah raja Mesir. Tetapi orang Israel masih mengeluh karena perbudakan, dan mereka berseru-seru, sehingga teriak mereka minta tolong karena perbudakan itu sampai kepada Allah.
2:24 Allah mendengar mereka mengerang, lalu Ia mengingat kepada perjanjian-Nya dengan Abraham, Ishak dan Yakub.
2:25 Maka Allah melihat orang Israel itu, dan Allah memperhatikan mereka.
3:1 Adapun Musa, ia biasa menggembalakan kambing domba Yitro, mertuanya, imam di Midian. Sekali, ketika ia menggiring kambing domba itu ke seberang padang gurun, sampailah ia ke gunung Allah, yakni gunung Horeb.
3:2 Lalu Malaikat TUHAN menampakkan diri kepadanya di dalam nyala api yang keluar dari semak duri. Lalu ia melihat, dan tampaklah: semak duri itu menyala, tetapi tidak dimakan api.
3:3 Musa berkata: "Baiklah aku menyimpang ke sana untuk memeriksa penglihatan yang hebat itu. Mengapakah tidak terbakar semak duri itu?"
3:4 Ketika dilihat TUHAN, bahwa Musa menyimpang untuk memeriksanya, berserulah Allah dari tengah-tengah semak duri itu kepadanya: "Musa, Musa!" dan ia menjawab: "Ya, Allah."
3:5 Lalu Ia berfirman: "Janganlah datang dekat-dekat: tanggalkanlah kasutmu dari kakimu, sebab tempat, di mana engkau berdiri itu, adalah tanah yang kudus."
3:6 Lagi Ia berfirman: "Akulah Allah ayahmu, Allah Abraham, Allah Ishak dan Allah Yakub." Lalu Musa menutupi mukanya, sebab ia takut memandang Allah.
3:7 Dan TUHAN berfirman: "Aku telah memperhatikan dengan sungguh kesengsaraan umat-Ku di tanah Mesir, dan Aku telah mendengar seruan mereka yang disebabkan oleh pengerah-pengerah mereka, ya, Aku mengetahui penderitaan mereka.
3:8 Sebab itu Aku telah turun untuk melepaskan mereka dari tangan orang Mesir dan menuntun mereka keluar dari negeri itu ke suatu negeri yang baik dan luas, suatu negeri yang berlimpah-limpah susu dan madunya, ke tempat orang Kanaan, orang Het, orang Amori, orang Feris, orang Hewi dan orang Yebus.
3:9 Sekarang seruan orang Israel telah sampai kepada-Ku; juga telah Kulihat, betapa kerasnya orang Mesir menindas mereka.
3:10 Jadi sekarang, pergilah, Aku mengutus engkau kepada Firaun untuk membawa umat-Ku, orang Israel, keluar dari Mesir."
-----------------
No comments:
Post a Comment