Lukas 3: 7-18
3:7 Jadi ihatahon ma bani halak na mabuei ai na roh padidihon dirini hubani: Nasiam ginompar ni ulog! Ise do na mangajarhon bani nasiam, boi nasiam maluah humbani ringis na sihol roh in? (Mat. 23:33.)
3:8 Parbuahkon nasiam ma buah, tanda ni na dob mubah uhur! Ulang das ihatahon nasiam ibagas uhurnasiam: Si Abraham do bapanami! Ai huhatahon ma bani nasiam, tarjadihon Naibata do anak ni si Abraham humbani batu on.
3:9 Domma tampei hapak bani urat ni hayu. Sirobohon do sagala hayu na so madear parbuahni, anjaha sigijigkonon do hubagas apuy.
3:10 Jadi isungkun na mabuei ai ma ia; Aha ma sibahenonnami?
3:11 Nini ma mambalosi sidea: Ise na marbaju dua, ibere ma sada bani na so marbaju, anjaha na marnah sipanganon pe, sonai ma ibahen.
3:12 Roh do age sijalo sohei padidihon dirini, nini sidea ma: Guru, aha do sibahenonnami?
3:13 Jadi ihatahon ma bani sidea: Ulang ma tunggu nasiam lobih humbani na niaturhon bani nasiam!
3:14 Dihut do tentara roh manungkunsi: Ia hanami, aha do sibahenonnami! Jadi ibalosi ma: Ulang ma sunsahi, anjaha ulang ma dalankon nasiam odoh-odoh age bani ise! Hasonangkon nasiam ma gajinasiam!
3:15 Halani ibagas na paima-imahon do bangsa ai, anjaha ganup sidea sungkun-sungkun uhurni ibagas pasal si Johannes, atap Ia do Kristus ai, (Joh. 1:19-28.)
3:16 gabe nini si Johannes ma mambalosi sidea haganup: Ahu do tongon mandidihon nasiam bani bah, tapi na roh ma sigogohan humbangku, anjaha mananggali tali ni sipatuni pe seng talup ahu. Didihononni ma bani nasiam Tonduy Na pansing pakon apuy.
3:17 Bani tanganni do pamurpuran, anjaha paborsihonni ma pardogeianni; patumpuonni ma omei husopouni, tapi tutungonni do anggo lam-lamni hubagas apuy na so ra miloh.
3:18 Buei ope na legan itarsingati bani bangsa ai, laho mangambilankon ambilan na madear bani sidea.
-------------------
Lukas 3: 7-18
3:7 Lalu ia berkata kepada orang banyak yang datang kepadanya untuk dibaptis, katanya: "Hai kamu keturunan ular beludak! Siapakah yang mengatakan kepada kamu supaya melarikan diri dari murka yang akan datang?
3:8 Jadi hasilkanlah buah-buah yang sesuai dengan pertobatan. Dan janganlah berpikir dalam hatimu: Abraham adalah bapa kami! Karena aku berkata kepadamu: Allah dapat menjadikan anak-anak bagi Abraham dari batu-batu ini!
3:9 Kapak sudah tersedia pada akar pohon dan setiap pohon yang tidak menghasilkan buah yang baik, akan ditebang dan dibuang ke dalam api."
3:10 Orang banyak bertanya kepadanya: "Jika demikian, apakah yang harus kami perbuat?"
3:11 Jawabnya: "Barangsiapa mempunyai dua helai baju, hendaklah ia membaginya dengan yang tidak punya, dan barangsiapa mempunyai makanan, hendaklah ia berbuat juga demikian."
3:12 Ada datang juga pemungut-pemungut cukai untuk dibaptis dan mereka bertanya kepadanya: "Guru, apakah yang harus kami perbuat?"
3:13 Jawabnya: "Jangan menagih lebih banyak dari pada yang telah ditentukan bagimu."
3:14 Dan prajurit-prajurit bertanya juga kepadanya: "Dan kami, apakah yang harus kami perbuat?" Jawab Yohanes kepada mereka: "Jangan merampas dan jangan memeras dan cukupkanlah dirimu dengan gajimu."
3:15 Tetapi karena orang banyak sedang menanti dan berharap, dan semuanya bertanya dalam hatinya tentang Yohanes, kalau-kalau ia adalah Mesias,
3:16 Yohanes menjawab dan berkata kepada semua orang itu: "Aku membaptis kamu dengan air, tetapi Ia yang lebih berkuasa dari padaku akan datang dan membuka tali kasut-Nya pun aku tidak layak. Ia akan membaptis kamu dengan Roh Kudus dan dengan api.
3:17 Alat penampi sudah di tangan-Nya untuk membersihkan tempat pengirikan-Nya dan untuk mengumpulkan gandum-Nya ke dalam lumbung-Nya, tetapi debu jerami itu akan dibakar-Nya dalam api yang tidak terpadamkan."
3:18 Dengan banyak nasihat lain Yohanes memberitakan Injil kepada orang banyak.
------------------------
No comments:
Post a Comment