Markus 6: 1-13
6:1 Jadi bingkat ma Ia hunjai, laho hu huta hagodanganni, anjaha iirikkon susianni do Ia.6:2 Anjaha sanggah ari Sabat mangajar ma Ia i rumah parguruan. Jadi longang ma halak simbuei na manangar ai, nini sidea ma: Hunja do in roh Bani? Hapentaran aha do na binere in Bani? Anjaha sonaha do, ase boi jadi halongangan na sonai marhitei tanganni? (Joh. 7:15.)
6:3 Ai lang Ia do tukang in, anak ni si Maria, abang ni si Jakobus, si Joses, si Judas ampa si Simon? Ai lang i lambungta do botouni? Jadi sangsi ma sidea pasalsi.
6:4 Tapi nini Jesus ma dompak sidea: Sabonar na so marsangap do nabi anggo i tanoh hagodanganni, itongah-tongah ni diha-dihani ampa i rumahni sandiri. (Joh. 4:44.)
6:5 Anjaha seng tarhorjahonsi tanda halongangan ijai, pitah piga-piga halak do hansa tarpamalumsi, marhitei na manampeihon tanganni bani sidea.
6:6 Jadi longang ma uhurni, halani na so porsaya ai sidea. Lanjar isiari ma huta-huta na i nagori ai, laho mangajari.
6:7 Dob ai idilo ma na sapuluh dua halak ai, lanjar isuruh ma sidea mardua-dua, anjaha ibere ma bani sidea kuasa dompak tonduy na mabutak. (Luk. 10:1.)
6:8 Ihatahon do bani sidea, ase ulang iboan atap aha hu pardalanan, barang ruti, barang tas, barang duit ibagas gondit sobali ni tungkot.
6:9 Boi do sidea marsipatu, tapi ulang ma marbaju dua lapis.
6:10 Ihatahon do homa bani sidea: Anggo masuk hanima hu sada rumah, ijai ma hanima soh, paima bingkat use.
6:11 Anggo adong sada huta, na so ra manjalo hanima, barang na so ra manangihon hanima, tadingkon hanima ma ai, anjaha pirpirhon hanima ma orbuk na longkot bani naheinima, bahen hasaksian bani sidea. (Lah. 13:51; 18:6.)
6:12 Jadi bingkat ma sidea marambilan mangkatahon paubahkon uhur. (Luk. 10:34; Jak. 5:14.)
6:13 Buei do setan iusir sidea, anjaha buei homa na boritan iminaki, gabe malum iahap sidea.
--------------------
Markus 6: 1-13
6:1 Kemudian Yesus berangkat dari situ dan tiba di tempat asal-Nya, sedang murid-murid-Nya mengikuti Dia.6:2 Pada hari Sabat Ia mulai mengajar di rumah ibadat dan jemaat yang besar takjub ketika mendengar Dia dan mereka berkata: "Dari mana diperoleh-Nya semuanya itu? Hikmat apa pulakah yang diberikan kepada-Nya? Dan mujizat-mujizat yang demikian bagaimanakah dapat diadakan oleh tangan-Nya?
6:3 Bukankah Ia ini tukang kayu, anak Maria, saudara Yakobus, Yoses, Yudas dan Simon? Dan bukankah saudara-saudara-Nya yang perempuan ada bersama kita?" Lalu mereka kecewa dan menolak Dia.
6:4 Maka Yesus berkata kepada mereka: "Seorang nabi dihormati di mana-mana kecuali di tempat asalnya sendiri, di antara kaum keluarganya dan di rumahnya."
6:5 Ia tidak dapat mengadakan satu mujizat pun di sana, kecuali menyembuhkan beberapa orang sakit dengan meletakkan tangan-Nya atas mereka.
6:6a Ia merasa heran atas ketidakpercayaan mereka.
6:6b Lalu Yesus berjalan keliling dari desa ke desa sambil mengajar.
6:7 Ia memanggil kedua belas murid itu dan mengutus mereka berdua-dua. Ia memberi mereka kuasa atas roh-roh jahat,
6:8 dan berpesan kepada mereka supaya jangan membawa apa-apa dalam perjalanan mereka, kecuali tongkat, roti pun jangan, bekal pun jangan, uang dalam ikat pinggang pun jangan,
6:9 boleh memakai alas kaki, tetapi jangan memakai dua baju.
6:10 Kata-Nya selanjutnya kepada mereka: "Kalau di suatu tempat kamu sudah diterima dalam suatu rumah, tinggallah di situ sampai kamu berangkat dari tempat itu.
6:11 Dan kalau ada suatu tempat yang tidak mau menerima kamu dan kalau mereka tidak mau mendengarkan kamu, keluarlah dari situ dan kebaskanlah debu yang di kakimu sebagai peringatan bagi mereka."
6:12 Lalu pergilah mereka memberitakan bahwa orang harus bertobat,
6:13 dan mereka mengusir banyak setan, dan mengoles banyak orang sakit dengan minyak dan menyembuhkan mereka.
----------------
No comments:
Post a Comment