Mazmur 4: 1-9 Kebaktian Minggu, 19 April 2015 (Misericordias Domini)

Psalmen 4: 1-9 

4:1 Bani pambobai koor. Marhasoman husapi. Psalm ni si Daud.
4:2 Anggo dilo-dilo ahu, balosi Ham ma ahu, Ham Naibata, sipintori ahu. Domma ipalumbang Ham ahu ibagas hasosakanku, sai maidop ma uhurmu bangku anjaha tangihon Ham ma tonggongku. (Ps. 31:3; 71:2.)
4:3 Nasiam dalahi, sadiha dokahnari mapas uhur nasiam pasambor samborhon hasangaponku, sadiha dokahnari haholongan nasiam na so marguna anjaha pindahan nasiam ladung? Sela. (Ps. 62:10; 1 Sam. 12:21.)
4:4 Botoh nasiam ma, domma ipilih Jahowa sada haholonganni Bani. Itangihon Jahowa do anggo hudilo Ia. (Ps. 17:7.)
4:5 Boi do manggila, tapi ulang mardousa. Marpingkir-pingkir ma nasiam ibagas uhur bani podomannasiam, tapi sipsip ma nasiam. Sela. (Ps. 16:7; 77:7; Ep. 4:26.)
4:6 Galangkon ma galangan na sintong, anjaha ajamkon ma Jahowa. (5 Mus. 33:19; Ps. 51:19, 21; 62:9.)
4:7 Buei do na mangkatahon: Ise ma na manumpakkon na madear banta? Sondangkon Ham ma sinalsal ni bohimu bannami, Ham Jahowa. (Ps. 3:3; 30:8; 4 Mus. 6:26.)
4:8 Bueinan do malas ni uhur ibere Ham hubagas uhurhu, marimbang malas ni uhur ni sidea sanggah pariama omei pakon pariama anggur na junah. (Sak. 9:17.)
4:9 Ibagas damei hupatibal diringku lanjar sinok, ai Ham do hansa Jahowa na mambahen sonang ahu marianan. (3 Mus. 26:6; Ps. 3:6.)
----------------

Mazmur 4: 1-9 

4:1 Untuk pemimpin biduan. Dengan permainan kecapi. Mazmur Daud.
4:2 Apabila aku berseru, jawablah aku, ya Allah, yang membenarkan aku. Di dalam kesesakan Engkau memberi kelegaan kepadaku. Kasihanilah aku dan dengarkanlah doaku!
4:3 Hai orang-orang, berapa lama lagi kemuliaanku dinodai, berapa lama lagi kamu mencintai yang sia-sia dan mencari kebohongan? S e l a
4:4 Ketahuilah, bahwa TUHAN telah memilih bagi-Nya seorang yang dikasihi-Nya; TUHAN mendengarkan, apabila aku berseru kepada-Nya.
4:5 Biarlah kamu marah, tetapi jangan berbuat dosa; berkata-katalah dalam hatimu di tempat tidurmu, tetapi tetaplah diam. S e l a
4:6 Persembahkanlah korban yang benar dan percayalah kepada TUHAN.
4:7 Banyak orang berkata: "Siapa yang akan memperlihatkan yang baik kepada kita?" Biarlah cahaya wajah-Mu menyinari kami, ya TUHAN!
4:8 Engkau telah memberikan sukacita kepadaku, lebih banyak dari pada mereka ketika mereka kelimpahan gandum dan anggur.
4:9 Dengan tenteram aku mau membaringkan diri, lalu segera tidur, sebab hanya Engkaulah, ya TUHAN, yang membiarkan aku diam dengan aman.
-----------------