Yohanes 6: 24-35, Khotbah Minggu 2 Agustus 2015

Johanes 6: 24-35

6:24 Ase dob iidah halak na mabuei ai, na so ijai be Jesus, age susianni ai pe, imasuki sidea ma use parau ai, anjaha laho ma sidea hu Kapernaum mangindahi Jesus.
6:25 Jadi dob jumpah sidea Ia i dipar ni tao ai, nini sidea ma hu-Bani: Guru, sadihari do Ham hujon?
6:26 Nini Jesus ma mambalosi sidea: Na sintong tumang do na huhatahon on bani nasiam, ipindahi nasiam pe Ahu, sedo halani na dob iidah nasiam tanda in, tapi halani na bosur ai do nasiam mangan ruti ai.
6:27 Ulang ma sipanganon na laho salpu horjahon nasiam, tapi sipanganon na totap ronsi hagoluhan sisadokah ni dokahni ma, na sihol bereon ni Anak ni jolma in bani nasiam. Ai Ia do na tinokanhon ni Bapa in, Naibata. (bd. 4:14; 5:36.)
6:28 Dob ai nini sidea ma hu-Bani: Aha ma sibahenonnami, ase ihorjahon hanami horja harosuh ni Naibata?
6:29 Nini Jesus ma mambalosi sidea: On do horja harosuh ni Naibata, ase porsaya nasiam bani Na sinuruhni. (1 Joh. 3:23.)
6:30 Dob ai nini sidea ma: Aha tanda ibahen Ham, ase iidah hanami gabe porsaya hanami Bamu? Aha ihorjahon Ham? (bd. 2:18.)
6:31 Ia ompungnami, mangan manna do i halimisan, songon na tarsurat in: Ibere do ruti hun nagori atas panganon ni sidea. (2 Mus. 16:14, 13-15; Ps. 78:24.)
6:32 Jadi nini Jesus ma hubani sidea: Sedo si Musa na mambere ruti bani nasiam hun bagori atas, tapi Bapangku do mambere ruti na tongon bani nasiam hun nagori atas. (ay. 49.)
6:33 Ai na susur hun nagori atas, in do sibere hagoluhan hu dunia on, in do ruti na humbani Naibata.
6:34 Dob ai nini sidea ma: Tuhan, ruti na sonin ma tongtong bere Ham bannami.
6:35 Nini Jesus ma hubani sidea: Ahu do ruti hagoluhan in. Barang ise na roh hu-Bangku, seng anjai loheian be ia, anjaha na porsaya Bangku, seng anjai horahan be ia. (ay. 48; bd. 4:14; 7:37.)
-----------------

Yohanes 6: 24-35

6:24 Ketika orang banyak melihat, bahwa Yesus tidak ada di situ dan murid-murid-Nya juga tidak, mereka naik ke perahu-perahu itu lalu berangkat ke Kapernaum untuk mencari Yesus.
6:25 Ketika orang banyak menemukan Yesus di seberang laut itu, mereka berkata kepada-Nya: "Rabi, bilamana Engkau tiba di sini?"
6:26 Yesus menjawab mereka: "Aku berkata kepadamu, sesungguhnya kamu mencari Aku, bukan karena kamu telah melihat tanda-tanda, melainkan karena kamu telah makan roti itu dan kamu kenyang.
6:27 Bekerjalah, bukan untuk makanan yang akan dapat binasa, melainkan untuk makanan yang bertahan sampai kepada hidup yang kekal, yang akan diberikan Anak Manusia kepadamu; sebab Dialah yang disahkan oleh Bapa, Allah, dengan meterai-Nya."
6:28 Lalu kata mereka kepada-Nya: "Apakah yang harus kami perbuat, supaya kami mengerjakan pekerjaan yang dikehendaki Allah?"
6:29 Jawab Yesus kepada mereka: "Inilah pekerjaan yang dikehendaki Allah, yaitu hendaklah kamu percaya kepada Dia yang telah diutus Allah."
6:30 Maka kata mereka kepada-Nya: "Tanda apakah yang Engkau perbuat, supaya dapat kami melihatnya dan percaya kepada-Mu? Pekerjaan apakah yang Engkau lakukan?
6:31 Nenek moyang kami telah makan manna di padang gurun, seperti ada tertulis: Mereka diberi-Nya makan roti dari sorga."
6:32 Maka kata Yesus kepada mereka: "Aku berkata kepadamu, sesungguhnya bukan Musa yang memberikan kamu roti dari sorga, melainkan Bapa-Ku yang memberikan kamu roti yang benar dari sorga.
6:33 Karena roti yang dari Allah ialah roti yang turun dari sorga dan yang memberi hidup kepada dunia."
6:34 Maka kata mereka kepada-Nya: "Tuhan, berikanlah kami roti itu senantiasa."
6:35 Kata Yesus kepada mereka: "Akulah roti hidup; barangsiapa datang kepada-Ku, ia tidak akan lapar lagi, dan barangsiapa percaya kepada-Ku, ia tidak akan haus lagi.
---------------