Yohanes 6:35, 41-51, Pembacaan Minggu 9 Agustus 2015

Yohanes 6:35, 41-51

6:35 Nini Jesus ma hubani sidea: Ahu do ruti hagoluhan in. Barang ise na roh hu-Bangku, seng anjai loheian be ia, anjaha na porsaya Bangku, seng anjai horahan be ia. (ay. 48; bd. 4:14; 7:37.)

6:41 Jadi marungut-ungut ma halak Jahudi dompaksi halani hatani ai: "Ahu do ruti, na susur hun nagori atas,"
6:42 gabe nini sidea ma: Ai lang Ia do Jesus, anak ni si Josep, anjaha ai lang itandai hita do bapani pakon inangni? Mase ma ihatahon: Na susur hun nagori atas do Ahu? (Luk. 4:22.)
6:43 Nini Jesus ma mambalosi sidea: Ulang nasiam marungut-ungut!
6:44 Ise pe lang na boi roh hu-Bangku, anggo seng Bapa in, na marsuruh Ahu, manogusi; anjaha Ahu do na papuhohonsi bani ari parpudi. (ay. 65.)
6:45 Adong do tarsurat bani buku ni nabi-nabi: Na niajaran ni Naibata do sidea ganupan. Haganup na manangihon Bapa in anjaha marguru hu-Bani, in do na roh hu-Bangku. (Jes. 54:13; Jer. 31:33-34.)
6:46 Seng dong halak na dob ongga mangidah Bapa in, sobali na roh humbani Bapa in; Ia do na dob mangidah Bapa in. (bd. 1:18.)
6:47 Na tongon tumang do na huhatahon on bani nasiam: Barang ise na porsaya, parrupei do ia bani hagoluhan sisadokah ni dokahni. (bd. 3:16.)
6:48 Ahu do ruti hagoluhan in. (ay. 35.)
6:49 Na mangan manna do ompungnasiam i halimisan, anjaha matei do. (ay. 31, 32; 1 Kor. 10:3, 5.)
6:50 On do ruti na susur hun nagori atas, ase ulang matei na mangankonsi.
6:51 Ahu do ruti na manggoluh, na susur hun nagori atas. Barang ise na mangan ruti on, manggoluh do ia sadokah ni dokahni. Ia ruti sibereonkai bahen hagoluhan ni dunia on, in ma dagingku. (Heb. 10:5, 10.)
--------------------

Yohanes 6:35, 41-51

6:35 Kata Yesus kepada mereka: "Akulah roti hidup; barangsiapa datang kepada-Ku, ia tidak akan lapar lagi, dan barangsiapa percaya kepada-Ku, ia tidak akan haus lagi.

6:41 Maka bersungut-sungutlah orang Yahudi tentang Dia, karena Ia telah mengatakan: "Akulah roti yang telah turun dari sorga."
6:42 Kata mereka: "Bukankah Ia ini Yesus, anak Yusuf, yang ibu bapa-Nya kita kenal? Bagaimana Ia dapat berkata: Aku telah turun dari sorga?"
6:43 Jawab Yesus kepada mereka: "Jangan kamu bersungut-sungut.
6:44 Tidak ada seorang pun yang dapat datang kepada-Ku, jikalau ia tidak ditarik oleh Bapa yang mengutus Aku, dan ia akan Kubangkitkan pada akhir zaman.
6:45 Ada tertulis dalam kitab nabi-nabi: Dan mereka semua akan diajar oleh Allah. Dan setiap orang, yang telah mendengar dan menerima pengajaran dari Bapa, datang kepada-Ku.
6:46 Hal itu tidak berarti, bahwa ada orang yang telah melihat Bapa. Hanya Dia yang datang dari Allah, Dialah yang telah melihat Bapa.
6:47 Aku berkata kepadamu: Sesungguhnya barangsiapa percaya, ia mempunyai hidup yang kekal.
6:48 Akulah roti hidup.
6:49 Nenek moyangmu telah makan manna di padang gurun dan mereka telah mati.
6:50 Inilah roti yang turun dari sorga: Barangsiapa makan dari padanya, ia tidak akan mati.
6:51 Akulah roti hidup yang telah turun dari sorga. Jikalau seorang makan dari roti ini, ia akan hidup selama-lamanya, dan roti yang Kuberikan itu ialah daging-Ku, yang akan Kuberikan untuk hidup dunia."
---------------------